ക്യുപിഡ് നീ എവിടെയാണ്?

വസന്തക്കാറ്റ് വീശിയിട്ടും പൂക്കാത്ത

ബദാം മരം ചോദിച്ചു

ക്യുപിഡ് നീ എവിടെയാണ്?

ചത്തതിനൊട്ട് ജീവിച്ചിരിക്കുന്ന

ഫോസ്സിലുകള്‍ ചോദിച്ചു

ക്യുപിഡ് നീ എവിടെയാണ്?

പാതിമയങ്ങിയ തെരുവുവെട്ടത്തിന്‍

ഏകാന്തത ഭുജിച്ച മക്ഷികക്കൂട്ടം ചോദിച്ചു

ക്യുപിഡ് നീ എവിടെയാണ്?

ചിതലരിച്ച ചുവന്നപുസ്തകത്തിന്റെ

ചിതയിലെരിയുന്ന കവിതകള്‍ ചോദിച്ചു

ക്യുപിഡ് നീ എവിടെയാണ്?

കാകോളം നിറച്ച അമ്പിലെ

കരിഞ്ഞ മാംസകഷ്ണതിനു ആര്‍ത്തിമൂത്തവര്‍

ചൊടിച്ചു

ക്യുപിഡ് നീ എവിടെയാണ്?

ദൌര്‍ഭാഗ്യം കൊണ്ടത്താഴമുണ്ട്

ദുശകുനം കൊണ്ടന്തിയുറങ്ങി

ക്യുപിഡ് മയങ്ങുകയാണ്

(ഒരു സിന്ദ്രെല്ല പോലെ  )